Nermin
Education

إزاى تعمل تفاعل للبوست؟ - فيسبوك

إزاى تعمل تفاعل للبوست؟

عشان نتكلم عن فكرة وصول البوست بتاعك للناس عموما هنحتاج نسال كام سؤال وجودى :

  1. كام واحد ممكن يشوف البوست بتاعى؟
  2. اشمعنى البوست بيوصل لناس وناس لاء؟
  3. ايه اللى بيخلى البوست   "بقدرة قادر"  يتعمله شيرز ولايكس كتير؟
  4. المحتوى بتاعى يفرق ايه عن محتوى واحد بيعطس ف بوست بيتعمله شيرز ولايكس كتير وانا لاء؟
  5. اشمعنى لما بنزل بوست بليل بيجيب لايكس اكتر مع انى لما بنزل نفس البوست الصبح ماحدش بيشوفه ؟

عشان اجاوب على الاسئلة دى هحتاج اكون فاهم مصطلح اسمهfacebook newsfeed algorithm  خوارزمية الفيسبوك  "ياساتر يارب" .

متتخضش كدة .. الفيسبوك عامل حاجات معينة بتقنن ظهور البوستات بتاعتك او ظهور بوستات الناس ليك

متقسمين لثلاثة  حاجات :

  • التفاعل
  • تفاعلك الشخصى مع الفيسبوك
  • عامل الوقت

 

تفصيلا لكل نقطة فيهم

 1- اول حاجة تفاعل الشبكة

 يعنى البوست عندى ليه انواع لو البوست صورة او البوست نص مقدرش اقولك ان الاتنين نسبة ظهورهم للناس بنفس القوة وف الاغلب الصور بتظهر بشكل اقوى واكتر للناس لان الفيسبوك بيتعامل مع الصور انها حاجة مهمة .

الناس لما بتشوف البوست بتتفاعل معاه

يا بشكل ايجابى انها تعمل لايك او كومنت او شير فبالتالى ناس اكتر بتشوفه

يا تفاعل سلبى فى حاجة مهمة لازم اعرفها الموضوع مش بعدد اللايكات بس  لكن لازم تكون اللايكات دى حقيقية يعنى لو فى عدد لايكات وهمى كان على البوست ده مش هيخدم البوست ده هيضره وهيختفى مع الوقت لان مافيش مستخدم حقيقى عمل لايك للبوست عشان يشوفوا مستخدمين حقيقين اكتر فالبوست ينتشر

ف كل ده الفيسبوك بيحطه ف عين الاعتبار بالنسبة للبوستات اللى بتنزلها

 

  • تفاعلك الشخصى مع الشبكة : هتلاقى الناس اللى بتتكلم معاهم كتير و المحتويات اللى بتركز عليها اكتر زى مثلا:

 انا دايما بجيب بوستات عن وصفات الاكل فهلاقى بوستات وصفات الاكل بتظهرلى اكتر من اى بوست تانى

 

فبالتالى الحاجات اللى مش ببص عليها اصلا والناس اللى مش بتكلم معاهم اصلا تقريبا مش هيظهرولك اصلا .

 2- عامل الوقت :

"كل يوم قبل ما انام الساعة 2.30 بالليل بنزل بوست " فاصبح المتابعين ليا متعودين يشوفوا البوست بتاعى ف الوقت ده.

الفيسبوك برمج نفسه على الوقت ده فبتشاف اكتر ف الوقت ده .

"جيت ف مرة غيرت مسار حياتى ونزلت البوست الساعة 2.30 الظهر"

فجاة وبدون اى مقدمات اصبح الفئة اللى بتابعنى مش هتشوفنى اصلا فبالتالى ظهورى ليهم هيقل .

 

الخلاصة انى لازم اكون فاهمedgerank  ماشية ازاى عشان مافيش حاجة بتيجى بالحظ كدة.

 


طب قبل مانعرف يعنى ايه ايدج رانك لازم الاول نتكلم عن الريتش Reach

 

ليه مش كل بوست بيوصل لكل الناس اللي متابعين الصفحة ؟؟

 

مع الوقت الفيسبوك بيزيد فيه عدد المستخدمين ، بس معاه بيزيد كمان عدد الشركات والمنظمات والمؤسسات باعتباره مكان سهل الوصول ليه وبتزود تفاعل العملاء  ، وهو فعلياً ارخص وسائل التواصل والاعلان بشكل عام هو وباقي السوشيال ميديا ..
الفيسبوك بيحاول يحسن تجربة المستخدم بإنه يخليه اطول وقت ممكن على الفيسبوك عشان كدة الفيسبوك بيوصلك الحاجات اللى بتابعها اكتر حاجة والصفحات اللى بتدخل عليها اكتر وكمان الناس اللى عندك وبيتابعوك فعليا هما اللى هيوصلهم بوستاتك وبديهيا مش كل الناس اللى عندك متابعينك فمش كل الناس اللى عندك بلا استثناء هيوصلهم بوستاتك  

فبتلاقى اغلب الوقت الهوم بيدج مافيهاش حاجات مختلفة كتير عن اللى انت بتابعها باستمرار ...

وده من خلال حاجة اسمها الايدج رانك ان الفيسبوك بيقيم البوستات على حسب اهتماماتك وده هنتكلم عنه بعدين بس خلينا دلوقتي ف الريتش... الريتش متقسم 3 اقسام مهمة جداً :


Organic

وهو الريتش الطبيعي لصفحتك واللي اتحدد بنسبه 6% للصفحات الصغيرة ، 3% للصفحات الكبيرة بعد ما كان 16%. دا طبعاً بيزيد ويقل حسب الايدج رانك اللي هنتكلم عنه بعدين

.
Viral reach   وهو الريتش اللي بيجيلك نتاج لتفاعل حصل على البوسـت من ناس مش عاملة لايك لصفحتك اصلاً ...


Paid هو الريتش المدفوع ، انك تدفع فلوس عشان تجيب ريتش اكبر



ايه هو بقى الايدج رانك؟

البوست مبيوصلش غير بنسبة قليلة جداً لا تتعدى 6% للصفحات الصغيرة ، و 3% للصفحات الكبيرة ، وكانت قبلها 16% 
الايدج رانك هو في البداية تقييم الفيسبوك للبوستات بتاعتك اللي بيعتمد فيه على :
AFFINITY SCOREوده تفاعل الناس مع بوستاتك ، عدد اللايكات والكومنتات والشير اللي بتبقى على البوست بتاعك .
Edge weightنوعية البوست نفسه ، احنا عندنا 4 انواع للبوست:

"status" اللي هو كلام بس  

"صور- فيديو -  لينكات"

طيب ايه الفرق؟ زى ما قولنا ان الفيسبوك بيشوف ان الصور حاجة قيمة أكتر من الكلام المجرد ، واهم من اللينكات .
Time day: جرب تنزل بوست الساعة 6 الصبح وبوست تانى الساعة 12 الضهر والتالت الساعة 9 بليل وقولى رأيك ف التفاعل ؟

وقت تواجد الناس باستمرار ف فترة زمنية محددة عامل مهم ف الايدج رانك وبيتحدد عليه تفاعل الناس مع البوستات اللى بتنزلها .

يعني دلوقتي المفروض اعمل ايه ؟
تنزل بوستات تفاعلية ، تخلى الناس بالرغم انهم خدوا معلومة إنهم يتفاعلوا ، المفروض تعرف الناس عندك بتتفاعل على ايه اكتر حاجة (صور ، فيديوهات ...ألخ ) ودا بيبقى ثابت ف اغلب الصفحات لكن بتتغير نسبته مش اكتر، واخيراً الوقت المناسب للبوست المناسب ... وبكدة هتكسر حاجز الايدج رانك ، وممكن بدل ما توصل ل6% من متابعينك ، توصل لأعلى بكتير ...



  • profile

    {{comment.name}}

    • {{ comment.created}}

http://